Neyðaraðstoð í Kólumbíu
SOS Barnaþorpin hafa sinnt neyðaraðstoð í Kólumbíu síðustu vikur, nánar tiltekið í borginni Mocoa sem varð illa fyrir barðinu á úrhellisrigningu í byrjun apríl.
Um það bil 350 manns létust og mörg hundruð fjölskyldur misstu heimili sín vegna aurskriða en rigningin varð til þess að ár flæddu yfir bakka sína og hús fylltust af aur.
Neyðaraðstoð SOS felst í aðstoð við fylgdarlaus börn og þau börn sem misstu foreldra í hamförunum. Einnig útvega samtökin fjölskyldum húsaskjól, sálfræðiaðstoð og menntun ásamt því að hafa opnað barnvænt svæði. Þá hafa SOS Barnaþorpin einnig dreift helstu nauðsynjum til barnafjölskyldna, t.d. bleyjum, þurrmjólk, vatni, fötum og mat.
Neyðaraðstoð SOS Barnaþorpanna í Kólumbíu mun standa yfir að minnsta kosti út árið.
Nýlegar fréttir
Tæland: Börn og starfsfólk óhult
Öll börn og starfsfólk SOS Barnaþorpanna í Tælandi eru heil á húfi eftir stóra jarðskjálftann sem reið yfir landið og nágrannalönd í gær.
Utanríkisráðherra gerði rammasamning við SOS
Þorgerður Katrín Gunnarsdóttir utanríkisráðherra skrifaði á mánudaginn undir rammasamning við SOS Barnaþorpin til fjögurra ára. Framlög ráðuneytisins til SOS á þessu tímabili nema samtals 689 milljónu...