Nýtt fréttablað SOS komið út
Einar Örn Jónsson, íþróttafréttamaður á RÚV, er í forsíðuviðtali í nýútkomnu fréttablaði SOS Barnaþorpanna sem er komið út. Einar hefur verið styrktarforeldri í 10 ár en segja má að hann hafi fengið styrktarbarn í jólagjöf frá fjölskyldunni sinni.
Í blaðinu er einnig saga af stúlku í Búrúndi sem flakkaði á milli heimila ung að aldri áður en hún eignaðist loks heimili í barnaþorpi. Sagt er frá árangursríkri byrjun á íslensku verkefni gegn kynferðislegri misnotkun á börnum í Tógó, ítarleg úttekt á ástandinu í Afríku af völdum Covid-19 og hvernig faraldurinn hefur haft áhrif á fjölskyldur í fjölskyldueflingu sem SOS á Íslandi fjármagnar í Eþíópíu.
Þá er viðtal við fimm unga drengi í Stykkishólmi sem baka snúða og selja til styrktar SOS Barnaþorpunum, smásagan Flóttabangsinn og umfjöllun um Sólblómaleikskóla og Öðruvísi jóladagatal SOS.
Fréttablaðinu hefur verið dreift til styrktaraðila SOS á Íslandi en það er einnig hægt að nálgast rafrænt hér á heimasíðunni.
Nálgast má öll fréttablöð SOS rafrænt hér.
Nýlegar fréttir
Stærsta erfðagjöf í sögu SOS Barnaþorpanna
SOS Barnaþorpin á Íslandi hafa fengið stærstu erfðagjöf í sögu samtakanna eftir að Landsréttur úrskurðaði erfðaskrá Baldvins Leifssonar vél-, renni- og bátasmiðs gilda og SOS Barnaþorpin þar með aðale...
Börn og starfsfólk barnaþorpsins flutt á brott frá Gaza
68 börn og 11 starfsmenn SOS barnaþorpsins í Rafah á Gaza í Palestínu hafa verið flutt á brott úr barnaþorpinu. Þau eru komin á öruggari stað til Bethlehem á Vesturbakkanum þar sem hitt SOS barnaþorpi...