Öðruvísi jóladagatal
Öðruvísi jóladagatal SOS Barnaþorpanna hófst í dag þegar um það bil eitt þúsund grunnskólanemendur víðsvegar um landið opnuðu fyrsta gluggann í dagatalinu. Um er að ræða verkefni að norskri fyrirmynd en þetta er í fyrsta skipti sem íslenskir grunnskólanemendur taka þátt.
Á hverjum skóladegi frá 5. til 16. desember opna nemendurnir nýjan glugga og sjá myndband um börn í mismunandi heimshlutum sem öll eiga það sameiginlegt að fá aðstoð frá SOS Barnaþorpunum á einhvern hátt. Á sama tíma og nemendur fá innsýn í aðstæður barna í öðrum löndum læra þeir að jólatíminn snýst ekki síður um að gefa en að þiggja.
Nemendur geta unnið létt heimilisverk heima við og unnið sér þannig inn smá aur sem rennur til SOS Barnaþorpanna. Öll framlög sem safnast í ár munu renna til SOS Barnaþorpsins í Kigali, Rúanda, þar sem er pláss fyrir 150 börn sem ekki hafa í önnur hús að vernda. Að auki eru þar grunnskóli, leikskóli og verkmenntaskóli, þar sem alls 970 nemendur geta sótt menntun.
SOS Barnaþorpin gefa munaðarlausum og yfirgefnum börnum um allan heim öruggt heimili en samtökin starfa í 134 löndum óháð trúarbrögðum.
Nýlegar fréttir
Stærsta erfðagjöf í sögu SOS Barnaþorpanna
SOS Barnaþorpin á Íslandi hafa fengið stærstu erfðagjöf í sögu samtakanna eftir að Landsréttur úrskurðaði erfðaskrá Baldvins Leifssonar vél-, renni- og bátasmiðs gilda og SOS Barnaþorpin þar með aðale...
Börn og starfsfólk barnaþorpsins flutt á brott frá Gaza
68 börn og 11 starfsmenn SOS barnaþorpsins í Rafah á Gaza í Palestínu hafa verið flutt á brott úr barnaþorpinu. Þau eru komin á öruggari stað til Bethlehem á Vesturbakkanum þar sem hitt SOS barnaþorpi...