SOS Barnaþorpin taka þátt í Reykjavíkurmaraþoni til styrktar fatlaðra barna
Heimilið Lieu de Vie er staðsett í nágrenni við Casablanca í Marokkó. Heimilið býður upp á daggæslu sem og varanlegt heimili fyrir börn og ungmenni sem þurfa á aðstoð að halda vegna andlegrar og/eða líkamlegrar fötlunar. Í dag eru þar 36 börn og ungt fólk á aldrinum 13-35 ára.
Meginmarkmið heimilisins er að gefa börnum með sérstakar þarfir öruggt umhverfi og persónulega aðstoð, gefa þeim kost á að alast upp með reisn og viðurkenningu frá nærsamfélaginu og gefa þeim menntun, þjálfa þau í því sem þau hafa hæfileika til og, þegar völ er á, undirbúa þau undir atvinnuþátttöku.
Á heimilinu er boðið upp á alls kyns tómstundastarf. Mikil áhersla er lögð á sköpun og hreyfingu, og er þátttakendum boðið upp á listnám, tónlistarnám og íþróttaiðkun. Einnig er boðið upp á verknám og sálfræðiaðstoð.
Framlög til SOS Barnaþorpanna í Reykjavíkurmaraþoni í ár renna óskipt til uppbyggingar á íþróttastarfi innan Lieu de Vie. Þessa dagana er lögð áhersla á að tryggja áframhaldandi sundkennslu fyrir börnin á heimilinu. Sundkennslan er afar mikilvæg til að þjálfa líkamlega hæfni og samhæfingu barnanna, og aðstoða þau við stjórnun á andlegum kvillum á við kvíða.
Nýlegar fréttir
Stærsta erfðagjöf í sögu SOS Barnaþorpanna
SOS Barnaþorpin á Íslandi hafa fengið stærstu erfðagjöf í sögu samtakanna eftir að Landsréttur úrskurðaði erfðaskrá Baldvins Leifssonar vél-, renni- og bátasmiðs gilda og SOS Barnaþorpin þar með aðale...
Börn og starfsfólk barnaþorpsins flutt á brott frá Gaza
68 börn og 11 starfsmenn SOS barnaþorpsins í Rafah á Gaza í Palestínu hafa verið flutt á brott úr barnaþorpinu. Þau eru komin á öruggari stað til Bethlehem á Vesturbakkanum þar sem hitt SOS barnaþorpi...