Styrktaraðilar SOS fá endurgreitt frá Skattinum

Þann 1. nóvember 2021 tóku gildi ný lög sem í stuttu máli þýða að styrktaraðilar SOS Barnaþorpanna fá nú árlega endurgreiðslu frá skattinum. Hér er átt við skattgreiðendur og þá heildarupphæð sem þeir gefa til almannaheillafélaga. 

Tökum dæmi:
*Páll er SOS foreldri og styrkir þannig barn í SOS barnaþorpi. Hann borgar 3.900 kr. á mánuði til framfærslu barnsins. Þetta framlag Páls lækkar skattstofn hans um 46.800 krónur á ári og því fær hann endurgreiddar rúmar 18 þúsund krónur, sem hann svo ræður hvernig hann ráðstafar.

*Þetta má útreikna sem svo að SOS-foreldri sem styrkir barn fyrir 3.900 krónur á mánuði, greiðir í raun aðeins um 2.400 krónur á mánuði.

Eftir því sem styrkupphæðin er hærri, því hærri verður endurgreiðslan.

*Miðað við meðaltekjur árið 2020. Upphæð skattafrádráttarins er mismunandi eftir skattþrepum viðkomandi styrktaraðila.

• Einstaklingur getur fengið skattfrádrátt (lækkun á tekjuskattsskattstofni) allt að 350 þúsund krónum á ári samkvæmt þessum nýju lögum.
• Samanlagt geta hjón eða sambúðarfólk því lækkað skattstofninn sinn um 700 þúsund krónur.
• Sem styrktaraðili SOS Barnaþorpanna þarftu ekkert að aðhafast til að fá þessa endurgreiðslu því framlög þín eru forskráð á skattframtalið þitt.
• Lágmarksframlag á ári þarf að vera 10.000 krónur til að endurgreiðsla fáist.

Nánar er fjallað um þessa skattalagabreytingu á heimsíðu skattsins og Stjórnarráðsins.

Viljir þú hækka framlagið þitt geturðu haft samband við okkur, annað hvort með tölvupósti til sos@sos.is eða í síma 5642910. Þú getur líka skoðað aðra möguleika til að styrkja hér.