Ulla Magnússon hættir sem formaður
Ulla stofnaði samtökin ásamt fleirum hér á landi í lok níunda áratugarins og mörg fyrstu árin sinnti hún þessu hlutverki í sjálfboðavinnu. Þá var hún fyrsti framkvæmdastjóri samtakanna og gegndi því hlutverki til ársins 2010.
Í dag standa SOS Barnaþorpin styrkum fótum og reksturinn er góður. Kostnaði hefur ávallt verið haldið í lágmarki svo hægt sé að senda sem mest til barnanna. Þúsundir foreldralausra barna njóta stuðnings íslenskra styrktarforeldra og hafa fengið nýtt tækifæri í lífinu. Enginn skyldi velkjast í vafa um það að sá sterki grunnur sem samtökin nú byggja á er að mestu afrakstur Ullu.
Nánar er farið yfir upphafið og störf Ullu í nýju fréttablaði SOS Barnaþorpanna sem dreift verður til styrktaraðila á næstu dögum.
Færum við Ullu Magnússon okkar bestu þakkir fyrir óeigingjarnt og ötult starf í þágu munaðarlausra og yfirgefinna barna um allan heim.
Við formennsku í stjórn samtakanna hefur nú tekið Kristján Þ. Davíðsson. Aðrir í stjórn eru Garðar Ingvarsson og María F. Rúriksdóttir. Varamenn eru Ólafur Örn Ingólfsson og Hildur Hörn Daðadóttir.
Nýlegar fréttir
Á þriðja tug milljóna króna til SOS í Palestínu
SOS Barnaþorpin á Íslandi senda á næstu dögum tíu milljónir króna til SOS í Palestínu vegna neyðaraðgerða á Gaza. Rúmar átta milljónir króna hafa safnast í söfnun SOS á Íslandi sem hófst í febrúar og ...
Aðalfundur SOS Barnaþorpanna 2024
Boðað er til aðalfundar SOS Barnaþorpanna mánudaginn 13. maí kl.17:30 í safnaðarheimili Kópavogskirkju, Hábraut 1a (gegnt Gerðasafni). Til þess að félagi geti nýtt félagsleg réttindi sín á aðalfundi s...