Börnin í Arnarsmára afhentu árlegt framlag
Við erum eitt stórt bros hérna á skrifstofunni eftir afskaplega gleðilega heimsókn sem við fengum í morgun. Leikskólinn Arnarsmári í Kópavogi er einn af Sólblómaleikskólum SOS Barnaþorpanna.
Börnin í þessum leikskólum láta sig varða hag munaðarlausra barna í öðrum löndum og fræðast um aðstæður þeirra. Þau útbúa á hverju ári Sólblómabauk sem þau safna pening í fyrir börnin sem SOS Barnaþorpin hjálpa.
Sólblómaleikskólabörnin koma svo árlega til okkar með afrakstur söfnunarinnar og í morgun afhentu þau okkur hvorki meira né minna en 18.351 krónur sem safnast höfðu í eitt ár.
Þessi fjárhæð verður nýtt í að hjálpa barnafölskyldum í Fjölskyldueflingu SOS í Eþíópíu svo börnin í þeim geti verið áfram hjá kynforeldrum sínum.
Við þökkum börnunum í Arnarsmára kærlega fyrir þetta óeigingjarna framlag.
Nýlegar fréttir
Ingibjörg og Anna Bjarney kjörnar í stjórn SOS
Aðalfundur SOS Barnaþorpanna á Íslandi var haldinn mánudaginn 13. maí og urðu þá breytingar á stjórn samtakanna. Ingibjörg E. Garðarsdóttir og Anna Bjarney Sigurðardóttir voru kjörnar í stjórnina til ...
SOS eru einu samtökin eftir á Gaza sem taka að sér fylgdarlaus börn
Ástandið á Gaza er sérstaklega viðkvæmt núna og SOS Barnaþorpin eru einu hjálparsamtökin eftir á svæðinu sem taka að sér fylgdarlaus börn. Þessi frétt er uppfærð reglulega með nýjustu fréttum frá SOS ...