Börnin í Efstahjalla afhentu styrk
Leikskólinn Efstahjalli í Kópavogi er einn af Sólblómaleikskólum SOS Barnaþorpanna á Íslandi. Þessi kátu börn úr efstu deild í Efstahjalla komu á skrifstofu SOS Barnaþorpanna í Hamraborg í dag föstudag og afhentu 45.000 krónur sem þau hafa safnað með sölu á Sólblómum til ættingja sinna. Upphæðin nemur árgjaldi fyrir styrktarbarn þeirra sem býr í barnaþorpinu Bukavu í Mið-Afríkulýðveldinu Kongó. Það er hin 6 ára gamla Chancelline Furaha Kangoma.
Með framlögum styrktarforeldra fá börnin í SOS-barnaþorpunum öllum grunnþörfum sínum mætt, ást, umhyggju og menntun sem undirbýr þau fyrir sjálfstætt líf á fullorðinsárum. Þau eignast heimili með SOS-foreldrum og systkinum og eru búnar eins heimilislegar aðstæður og nokkur kostur er.
Fyrir aðeins 128 krónur á dag getur þú gerst styrktarforeldri eins barns og fylgst með því þroskast og dafna.
Nýlegar fréttir
Ingibjörg og Anna Bjarney kjörnar í stjórn SOS
Aðalfundur SOS Barnaþorpanna á Íslandi var haldinn mánudaginn 13. maí og urðu þá breytingar á stjórn samtakanna. Ingibjörg E. Garðarsdóttir og Anna Bjarney Sigurðardóttir voru kjörnar í stjórnina til ...
SOS eru einu samtökin eftir á Gaza sem taka að sér fylgdarlaus börn
Ástandið á Gaza er sérstaklega viðkvæmt núna og SOS Barnaþorpin eru einu hjálparsamtökin eftir á svæðinu sem taka að sér fylgdarlaus börn. Þessi frétt er uppfærð reglulega með nýjustu fréttum frá SOS ...