Bragarblóm til sölu í vefverslun SOS
Ljóðabókin Bragarblóm eftir Ragnar Inga Aðalsteinsson, einn kunnasta hagyrðing landsins, er nú til sölu í vefverslun SOS. Bókin inniheldur 75 limrur og kom út á 75 ára afmælisdegi Ragnars. Bókin er gjöf frá Ragnari til samtakanna og rennur allt söluandvirði hennar, kr. 2.500, óskert til SOS Barnaþorpanna.
Ragnar Ingi hefur verið velgjörðamamaður SOS Barnaþorpanna til fjölda ára. Hann hefur prófarkalesið fréttablað SOS í sjálfboðavinnu í 13 ár og m.a. staðið fyrir hagyrðingakvöldi til styrktar SOS.
Ragnar Ingi hefur lengst af starfað sem kennari og var aðjunkt við Kennaraháskóla Íslands/Menntavísindasvið H.Í. Hann hefur meðfram kennslu fengist við ritstörf, einkum ljóða- og námsefnisgerð. Hann hefur einnig ritað fjölmargar fræðigreinar, einkum um bragfræði.
Nýlegar fréttir
Ingibjörg og Anna Bjarney kjörnar í stjórn SOS
Aðalfundur SOS Barnaþorpanna á Íslandi var haldinn mánudaginn 13. maí og urðu þá breytingar á stjórn samtakanna. Ingibjörg E. Garðarsdóttir og Anna Bjarney Sigurðardóttir voru kjörnar í stjórnina til ...
SOS eru einu samtökin eftir á Gaza sem taka að sér fylgdarlaus börn
Ástandið á Gaza er sérstaklega viðkvæmt núna og SOS Barnaþorpin eru einu hjálparsamtökin eftir á svæðinu sem taka að sér fylgdarlaus börn. Þessi frétt er uppfærð reglulega með nýjustu fréttum frá SOS ...