Ferðast til 80 landa og syngur þjóðsöngva til styrktar SOS Barnaþorpunum
Capri Everitt er 11 ára kanadísk stúlka sem hefur ferðast til 79 landa ásamt fjölskyldu sinni undanfarna 8 mánuði. Í öllum löndunum hefur Capri sungið þjóðsöng landsins á tungumáli innfæddra og um leið safnað framlögum fyrir SOS Barnaþorpin.
Capri söng þjóðsöng Íslands við Hallgrímskirkju í gær ásamt leikskólabörnum frá leikskólanum Rauðuborg. Áhorfendur skemmtu sér vel og við lok flutningsins gerði Capri sér lítið fyrir og söng þjóðsöngva viðstaddra ferðamanna. Nú ferðast fjölskyldan til Washington þar sem síðasti söngviðburðurinn mun eiga sér stað.
Ferðalagið hófst í í Kanada í nóvember og síðan þá hefur fjölskyldan komið við í löndum Suður Ameríku, Asíu, Afríku, Eyjaálfu og Evrópu.
Hægt er að fylgjast með ferðalaginu og leggja söfnuninni lið á heimasíðunni www.80anthems.com.
Nýlegar fréttir
Ingibjörg og Anna Bjarney kjörnar í stjórn SOS
Aðalfundur SOS Barnaþorpanna á Íslandi var haldinn mánudaginn 13. maí og urðu þá breytingar á stjórn samtakanna. Ingibjörg E. Garðarsdóttir og Anna Bjarney Sigurðardóttir voru kjörnar í stjórnina til ...
SOS eru einu samtökin eftir á Gaza sem taka að sér fylgdarlaus börn
Ástandið á Gaza er sérstaklega viðkvæmt núna og SOS Barnaþorpin eru einu hjálparsamtökin eftir á svæðinu sem taka að sér fylgdarlaus börn. Þessi frétt er uppfærð reglulega með nýjustu fréttum frá SOS ...