Fyrsta SOS fréttablað ársins 2021 komið út
Fyrsta SOS fréttablað ársins 2021 er komið út og berst inn um bréfalúguna hjá styrktaraðilum SOS í þessari viku. Forsíðuviðtalið að þessu sinni er við Guðrúnu Kristinsdóttur á Húsavík sem varð þjóðþekkt þegar hún prjónaði 57 lopapeysur fyrir heilt SOS barnaþorp í Rúmeníu.
Í blaðinu er einnig viðtal við heimilisföður í fjölskyldueflingu okkar í Eþíópíu sem á unga aldri missti annan fótinn eftir að hafa fengið lyfjaseið hjá töfralækni. Við segjum nýjustu tíðindi af fjölskyldueflingunni okkar og verkefni okkar í Tógó gegn kynferðislegri misneytingu á börnum sem og fréttir af öðrum verkefnum SOS á Íslandi.
Í blaðinu er stórt kort sem sýnir hvernig styrktarbörn Íslendinga dreifast um heiminn og ýmsilegt fleira fræðandi úr starfi SOS Barnaþorpanna.
Blaðið er að venju einnig hægt að lesa rafrænt hér á heimasíðunni. Svo má líka sjá önnur eldri SOS blöð hér.
Nýlegar fréttir
Ingibjörg og Anna Bjarney kjörnar í stjórn SOS
Aðalfundur SOS Barnaþorpanna á Íslandi var haldinn mánudaginn 13. maí og urðu þá breytingar á stjórn samtakanna. Ingibjörg E. Garðarsdóttir og Anna Bjarney Sigurðardóttir voru kjörnar í stjórnina til ...
SOS eru einu samtökin eftir á Gaza sem taka að sér fylgdarlaus börn
Ástandið á Gaza er sérstaklega viðkvæmt núna og SOS Barnaþorpin eru einu hjálparsamtökin eftir á svæðinu sem taka að sér fylgdarlaus börn. Þessi frétt er uppfærð reglulega með nýjustu fréttum frá SOS ...