Nýtt barnaþorp í Gvatemala
Nú standa yfir framkvæmdir við nýtt SOS Barnaþorp í Santa Cruz del Cuiche í Gvatemala. SOS Barnaþorpin á Íslandi hafa nú þegar sent 1,5 milljónir í verkefnið.
Í nýja þorpinu verða 12 fjölskylduhús og munu yfir 80 munaðarlaus og yfirgefin börn fá þar heimili, menntun og gott kærleiksríkt uppeldi.
Auk þess munu samtökin hjálpa fátækum fjölskyldum 600 barna í nágrenni barnaþorpsins. Við styðjum foreldrana til sjálfshjálpar svo þeir geti mætt þörfum barna sinna óstuddir í framtíðinni.
Þörfin er brýn í héraðinu:
81% íbúa búa við fátækt.
49% íbúa eru undir 14 ára aldri.
Svæðið varð illa úti í vopnuðum átökum sem stóðu yfir frá 1960 til 1996.
40% íbúa svæðisins eru ólæs.
Algengt er að börn á svæðinu þurfi að vinna fyrir sér.
Algengt er að ungar stúlkur (allt niður í 10 ára) séu seldar í hjónaband með körlum á fertugsaldri.
Nýlegar fréttir
Ingibjörg og Anna Bjarney kjörnar í stjórn SOS
Aðalfundur SOS Barnaþorpanna á Íslandi var haldinn mánudaginn 13. maí og urðu þá breytingar á stjórn samtakanna. Ingibjörg E. Garðarsdóttir og Anna Bjarney Sigurðardóttir voru kjörnar í stjórnina til ...
SOS eru einu samtökin eftir á Gaza sem taka að sér fylgdarlaus börn
Ástandið á Gaza er sérstaklega viðkvæmt núna og SOS Barnaþorpin eru einu hjálparsamtökin eftir á svæðinu sem taka að sér fylgdarlaus börn. Þessi frétt er uppfærð reglulega með nýjustu fréttum frá SOS ...