Sólblómagleði á Rauðaborg
Krakkarnir á leikskólanum Rauðaborg í Reykjavík héldu upp á 2 ára afmælið hans Claude á dögunum. Claude býr í SOS Barnaþorpi í Rúanda og er styrktarbarn leikskólans sem er Sólblómaleikskóli.
Afmælishátíðin var hluti af svokallaðri Sólblómagleði og gekk hún mjög vel að sögn Unnar Hermannsdóttur, deildarstjóra á Laufi. Hún segir alla hafa skemmt sér vel en langflestir mættu í gulri flík og fengu málaða sól í andlitið. Þá lituðu öll börnin fána Rúanda og gróðursettu sólblómafræ sem hafa verið vökvuð reglulega síðan. Afmælissöngurinn var svo sunginn fyrir Claude, ásamt mörgum sólarlögum og svo dönsuðu allir saman í miklu afmælisstuði.
Þá var sólblómamatur borinn á borð. Börnin borðuðu ananas í ávaxtastund og fengu indverskan pottrétt með hrísgrjónum, mangó og kjúklingi í hádegismatinn. Í drekkutímanum var svo boðið upp á heimabakað sólblómabrauð og djús.
Nokkrar myndir frá deginum má sjá hér að neðan.
Nýlegar fréttir
Ingibjörg og Anna Bjarney kjörnar í stjórn SOS
Aðalfundur SOS Barnaþorpanna á Íslandi var haldinn mánudaginn 13. maí og urðu þá breytingar á stjórn samtakanna. Ingibjörg E. Garðarsdóttir og Anna Bjarney Sigurðardóttir voru kjörnar í stjórnina til ...
SOS eru einu samtökin eftir á Gaza sem taka að sér fylgdarlaus börn
Ástandið á Gaza er sérstaklega viðkvæmt núna og SOS Barnaþorpin eru einu hjálparsamtökin eftir á svæðinu sem taka að sér fylgdarlaus börn. Þessi frétt er uppfærð reglulega með nýjustu fréttum frá SOS ...